sacre

I.

Sacre. m. penac. substantif. Tantost est une espece d'oiseau de proye laid de pennage, court empieté, plus grand que le Pelerin, de grande force et hardi à toutes manieres de volerie, de passage, si qu'on ne sçait où il aire ne où il fait ses petits, et parce qu'il fait annuellement son passage vers le Sud, et vers les Indes, et est prins és Isles de Levant, Candie, Cypre, et Rhodes, et autres de l'Archipelago, les maistres faulconniers tiennent qu'il vient des marches de Roussie, Tartarie, et de la mer Majour, et en font trois especes, La premiere appelée Seph, qui hante l'Egypte, et la contrée de Babylone, et prend lievres et biches. L'autre nommée Semi, qui prend petites gazeles. Et la tierce, Hynair, tous bien enduisans le gros past. Hierax, Auquel mot Grec le mot François rapporte, Sacer. Et par metaphore on dit c'est un terrible Sacre, de celuy qui se gouverne par sa folle teste à l'estourdie, et tantost se prend pour l'acte de la consecration et onction du Roy, qui se fait avec onction sacrée, et autres grandes cerimonies. Ainsi on dit, Le Roy a esté oinct et sacré à Rheims: Et le sacre du Roy a esté fait à Rheims, Regis consecratio, Inauguratio.

II.

Le sacre du Roy, Consecratio, Inauguratio.

Thresor de la langue françoyse. Jean Nicot.